تنبيه وتحذير لكل ام

احترسي من الثانوية العامة
ما عندكيش ضغط ...اطمنى لو ابنك أو بنتك

فى الثانوية العامة هيجيلك...ما عندكيش

سكر...برضه اطمنى لو ابنك أو بنتك فى

الثانوية العامة هيجيلك...عايزة تعيشى فى

هم وغم بدل السنة سنتين وبدل المرة

مرتين ...عايزة تبيعى دهبك وتحويشة العمر

واللى وراكى واللى قدامك وتستلفى من

طوب الأرض...كل ده هتشوفيه لو ابنك فى

الثانوية العامة هتجربيه...وده كان كلام جارة

عدلات لما سألتها عن الثانوية اللى بنتها

جربتها...ردت عدلات وقالت يانهاااااار ...ليه كل

ده ...وأكتر من كده وفى الآخر لا أمنيتك

هتحققيها ولا فرحة ابنك هتشوفيها...وإيه بلانا

بيها ...وآخر النهار قعدت عدلات مع عطية ما

هو بسلامته نجح فى الإعدادية والمجموع

تسعين فى المية ..قالت له أنا عارفة يا ضنايا

نفسك تطلع مهندس قد الدنيا , إيه رأيك تدخل

مدرسة فنية وتثبت جدارتك وتورينى

شطارتك وبعدها تدخل الكلية ...زعل عطية

وثار وقال ليه بس كده ده أنا من الشطار

والتعليم الفنى انهار....سيبك من الناس يا

عطية وخلى لك شخصية ...واللى له هدف

بيحققه وينحت فى الصخر وربنا يوفقه

وبصراحة أنا ما عنديش امكانية لمصاريف

دروس خصوصية ...قلت إيه يا عطية ..هسيبك

تفكر وبعدها ترد علي ...وبعد شوية رد عطية

وقال أنا آسف وعارف يا امة وان شاء الله

دايماًهتفخرى بيه .

منقووووووووووول.......

ي استاذنا الكريم الكلام دة إهانة لكل إلى فى المنتدة
هوة فى أمهات بينا فى المنتدة
ولا عندك رأي تانى........................
وبعدين ثانوية عامة أية بس
مفيش أسهل منها بس الطلاب همه إلى فاشلين
ما تيجوا نحب الثانوية العامة ونشوف أية إلى عيحصل
أنا بطلب نحبها ونعيشش معها سنة وحدة بس ونشوف عيحصل أية
نحب كل مادة ونعشقها وندوب فيها

الكلام المكتوب ساعات بيحصل و ساعات لا بس بيعتمد على الطالب ومقدرته على التحصيل والفهم و المذاكرة