إللى بنى مصر كان أصلة.............................

اللى بنى مصر كان فى الأصل حلوانى
حط فى ترابها عسل وشغل ألف بستانى
وحط سكر فى ميتها وخلاها كده حلوة
تشربها مرة ويخدك شوق لها تانى

***
اللى بنى مصر كان شاعر وكان فنان
خلالها تحفة جميلة سحرها فتان
ومنين ماتمشى تلاقى جوها معطر
وكأن كل البلد على بعضها بستان

***

اللى بنى مصر كان نفسه يعليها
شيد عليها الهرم وأبدع خبرته فيها
وبقاله شوف كام سنة شاهد على العظمة
وحكايته شوف كام سنة واقف بيحكيها

***
اللى بنى مصر بصراحة غلط غلطة
زعلنى منه وحط فى بُقى كيس شطة
جاب من جهنم نبات مكتوب عليه كوسة
زرعه فى كل البلد على كل شىء غطى

***
اللى بنى مصر كان عيبه كمان حاجة
زعلنى منه وأنا معملتلوش حاجة
وحط للحكم كرسى قعدته بتلزق
واللى بيقعد عليه متقوموش حاجة

منتدة فااااااااااااااااااااااشل

الرحمة شوية يأحمد على مصر